Algunha vez sénteste incomprendido? Tentaches razoar con alguén e acabastes a berros? Saíches dunha reunión pensando que estás a perder o tempo? Ou, o que é peor, a xente ás veces non entende o que dis, por máis claramente que o expliques?
Non estás só. Tras unha reunión desastrosa cun empresario de éxito que estaba convencido de estar «rodeado de idiotas», Thomas Erikson ideou un revolucionario método de clasificación do comportamento que divide ás persoas en catro tipos: os vermellos, dominantes e ambiciosos; os amarelos, espontáneos e optimistas; os verdes, pacientes e amables, e os azuis, metódicos e precisos. Este libro dá ferramentas para identificalos e interactuar con eles e, cun transfondo psicolóxico e partindo de situacións cotiás, permítenos mellorar as nosas habilidades sociais e afrontar os conflitos na nosa vida profesional e persoal, co fin de sacar o mellor de nós mesmos e daqueles que nos rodean.